သမ္မတ ဦးသိန်းစိန် တတိယ အကြိမ် ဥရောပ ၃ နိုင်ငံ ခရီး ထွက်ခွာ

သမ္မတ ဦးသိန်းစိန်နဲ့ အဖွဲ့ ဂျာမနီ၊ ဆွစ်ဇာလန်၊ နယ်သာလန်တို့ကို  တရားဝင် ချစ်ကြည်ရေး ခရီး အဖြစ် စက်တင်ဘာလ ၁ ရက်နေ့မှာ နေပြည်တော် လေဆိပ်က ထွက်ခွာ သွားကြပါတယ်။ 

 ဥရောပခရီးစဉ်ထွက်ခွာမယ့် ဦးသိန်းစိန်ကို  စက်တင်ဘာလ ၁ ရက်နေ့ ညနေက နေပြည်တော်လေဆိပ် မှာ လိုက်ပါပို့ဆောင်သူများ၊ ဓာတ်ပုံ- သမ္မတရုံး ဝက်ဆိုက်

ဥပရော တတိယအကြိမ်ခရီးစဉ်ထွက်ခွာမယ့်  ဦးသိန်းစိန်ကို ဒုသမ္မတတွေနဲ့အတူ ကာကွယ်ရေး ဦးစီးချုပ် ဗိုလ်ချုပ် မှူးကြီး မင်းအောင်လှိုင် စသူတွေလည်း လိုက်ပါ ပို့ဆောင်ကြတယ်လို့ နိုင်ငံပိုင် ရုပ်သံ သတင်းတွေက ပြသသွားပါတယ်။ 

ခရီးစဉ်မှာ ဦးသိန်းစိန်နဲ့ အတူ လိုက်ပါသွားကြသူတွေကတော့ ဝန်ကြီးတွေ ဖြစ်ကြတဲ့ ဦးဝဏ္ဏမောင်လွင်၊ ဦးရဲထွဋ်၊ ဦးစိုးသိန်း၊ ဦးအုန်းမြင့်၊ ဦးဉာဏ်ထွန်းအောင်၊ ဦးခင်မောင်စိုးနဲ့ ဒုတိယဝန်ကြီးတွေဖြစ်တဲ့ 
ဒေါက်တာ ဝင်းမြင့်၊ ဦးသန်းဆွေ အပါအဝင် တာဝန်ရှိတွေ လိုက်ပါသွားကြပါတယ်။ 

သမ္မတ ဦးသိန်းစိန်ဟာ ပထမဆုံး ဥရောပခရီးစဉ်အဖြစ် နော်ဝေ၊ ဖင်လန်၊ သြစတြီးယား၊ ဘယ်လ်ဂျီယံနဲ့ အီတလီနိုင်ငံတို့ ကို ၂ဝ၁၃    ဖေဖော်ဝါရီ ၂၅ ရက်နေ့က မတ်လ ၈ ရက်နေ့ထိ သွားရောက်ခဲ့တယ်လို့ သမ္မတရုံး ဝက်ဆိုက်က ဖော်ပြ ပါတယ်။ 

ဦးသိန်းစိန်ရဲ့ ဒုတိယ ဥရောပခရီးစဉ်ဖြစ်တဲ့ ဗြိတိန်နဲ့ ပြင်သစ်နိုင်ငံတို့ကို ၂၀၁၃  ဇူလိုင် ၁၄ ရက်မှ ၂၀ ရက်နေ့အထိ သွားရောက်ခဲ့ပါတယ်။ 


အိမ့်သံစဉ် ~ 

 

• ဧရာဝတီ Facebook / ဧရာဝတီ Twitter

.